Bo: Louisvale is, onder andere, bekend vir hul wyn.

‘n Ongewone, treffende gebou is omring deur die heuwels van Devonvallei en is net buite Stellenbosch in die Wes-Kaap. En dit is die tuiste van die Louisvale-wynplaas en nuwe funksiegebou.

Die gebou is ontwerp deur die bekroonde argitek, Christof Albertyn, en verteenwoordig die mengsel van Afrika- en Europese boutradisies. Dit is gebaseer op die Khoekhoen, wat die eerste mensgemaakte koepel struktuur in die omgewing gebou het, en die Kaaps-Hollandse styl, wat in die 17de eeu deur Europese kolonialiste ingestel is, wat die oorspronklike opstalvorm wat in 1924 gebou is, verteenwoordig.

Die twee geboue word deur ‘n drywende glasboog verbind en skep so saam ‘n uitsig van 280° oor die drie miljoen jaar oue Kaapse berge.

Louisvale bied die perfekte plek vir troues, korporatiewe geleenthede of enige viering met die mooiste uitsigte en pragtigste omgewing.

Louisvale het in 1988 wyne begin produseer en is trots op sy bekroonde chardonnay-wyne en is een van Suid-Afrika se pioniers van hierdie kultivar. Louisvale het ‘n passie vir die “kuns van chardonnay” en is daartoe verbind om ‘n paar besonderse chardonnay-wyne te produseer.

Tot dusver het Louisvale talle gesogte wyntoekennings verower en drie goue medaljes gewen by die onlangse Michaelangelo-toekennings (4 Oktober) vir sy Chardonnay 2018, sy MCC Brut en MCC Brut Rosé

Sedert 1994 is die merlot en cabernet sauvignon-druiwe afkomstig van die aangrensende wingerd, waar die wynmaker van die afgelope 22 jaar, Simon Smith, saam met die eienaar werk om die wingerdstokke volgens presiese spesifikasies van Louisvale te bestuur om te verseker dat die wyne hul besonderse karakter behou.

Die restaurant op Louisvale fokus op geregte wat net vars produkte bevat, en gebruik seisoenale produkte waar moontlik.  Die uitvoerende sjef, Kirstie du Toit, het aan die Culinary Academy (TCA) op Backsberg gestudeer en kom uit ‘n familie van bakkers en boere.  Sy en haar span is toegewyd om die palet te vermaak en te verlekker met oorspronklike en heerlike tuisgemaakte kos.

 – Louisvale